SERGAS recomenda agora o uso de máscaras logo de cesar á xefa de ciruxía do Cunqueiro por este motivo

O SERGAS e Feijóo defenderon o cese por falta de confianza


Sanitaria nun descanso na Residencia Tempo Libre en Patos © Miguel Nuñez

http://xornaldevigo.gal/

O día 21 de marzo de 2020 a Xefa de Ciruxía Plástica e Reparadora do Hospital Álvaro Cunqueiro, Eva Maquieira, atopábase en illamento por posible contaxio de coronavirus. Queixouse no seu perfil persoal de Facebook por ser reprendida polos seus mandos superiores por utlizar máscara cirúrxica na súa actividade sanitaria diaria na atención de curas e consultas onde resultaba imposible manter o distanciamento de un metro.

“ME HAN TACHADO DE IRRESPONSABLE POR IR GENERANDO ALARMISMO EN LA POBLACIÓN” LLEVO 24 HORAS DE AISLAMIENTO FORZOSO EN MI PROPIA CASA, SIN APENAS SALIR DE MI HABITACION MAS QUE LO JUSTO, LLEVANDO LA…

Publicada por Eva Maquieira Gomez en Sábado, 21 de marzo de 2020

A Xerencia recomenda agora o uso de máscaras para o persoal

Con data 12 de abril de 2020 a Xerencia da Área Sanitaria de Vigo remitiu unha nota a todo o persoal sanitario, indicando que “parece prudente aconsellar o uso de mascarillas cirúrxicas por parte das/os traballadoras/es dos centros sanitarios, cando se atopen en espazos de traballo nos que resulte imposible manter medidas de distanciamento físico aconselladas (dous metros) e durante o tempo que sexa necesario estar nese espazo.

O SERGAS e Feijóo defenderon o cese por falta de confianza

O xerente da área sanitaria de Vigo, Julio García Comesaña, comunicoulle o cesamento en persoa á facultativa un día despois de publicar a mensaxe en Facebook por cuestionar públicamente en redes sociais as indicacións de Medicina Preventiva e abrir o debate clínico e a discrepancia fóra do ámbito interno, xerando desconfianza e alarma entre a cidadanía.

Feijóo defendía do mesmo xeito a decisión acordada pola xerencia, afirmando “Tenemos que estar a una y si hay un fallo de confianza mutua, hay que responder con diligencia”

O presidente galego tamén sinalaba que, cando hai discrepancias, “o lóxico” é que o persoal opine sobre o seu propio servizo e lembrou que a “discrepancia” desta médica referíase non á súa área senón a un servizo “competente” como é o de Medicina Preventiva. “A xerencia ten que actuar, ten que tomar decisións”, xustificaba.

A defensa do Colexio Oficial de Médicos de Pontevedra

O Colexio oficial de Médicos da provincia de Pontevedra criticaba tamén o cesamento da xefa de sección de Cirurxía Plástica, Estética e Reparadora do Complexo Hospitalario Universitario de Vigo (Chuvi), Eva Maquieira Gómez, que considerou “improcedente”.

Feijóo defende a sanción á médica que criticou ao Sergas: “Se se cuestiona hai que actuar”

O presidente da Xunta, Alberto Núñez Feijóo, defendeu este martes a competencia do Servizo de Medicina Preventivo da área sanitaria de Vigo, e afirmou que a xerencia “ten que actuar” cando se cuestionan ou critican as medidas establecidas por ese servizo, por parte dunha facultativa que non pertence ao mesmo. Así respondeu o mandatario galego … Segue lendoFeijóo defende a sanción á médica que criticou ao Sergas: “Se se cuestiona hai que actuar”

Xornal de Vigo