A película 'Elisa e Marcela', dirixida por Isabel Coixet, conta a historia do primeiro matrimonio de mulleres datado na historia de España, celebrado en Dumbría.
http://www.galiciaconfidencial.com/
'Elisa e Marcela', a nova película de Netflix dirixida pola española Isabel Coixet competirá na Sección Oficial do próximo Festival de Cine de Berlín (Berlinale), que se celebrará do 7 ao 17 de febreiro, segundo informou a plataforma.
Elisa e Marcela (2019). NETFLIX | Fonte: Europa Press
A produción de Rodar e Rodar (O fotógrafo de Mauthausen, O Orfanato), Zenit TV, Lanube Películas e TV3 en asociación con Filme Factory, conta a historia do primeiro matrimonio de mulleres datado na historia de España. Celebrado en Dumbría (A Coruña, Galicia), no ano 1901, o filme de Coixet recrea este fito histórico de dúas mestras que coparon as portadas dos principais xornais da época.
En 1885, Elisa e Marcela coñécense na escola de Galicia onde traballan, e o que parece unha amizade transfórmase nalgo máis profundo e perigoso nunha época tan conservadora. Os pais de Marcela sospeitan desta relación e enviarana ao estranxeiro durante varios anos. O reencontro con Elisa é máxico e deciden ter unha vida en común, pero non todo terminará como elas desexan.
"O público vai namorarse de Elisa e Marcela e das dúas formidables actrices que as encarnan: Natalia de Molina e Greta Fernández", afirma Coixet que tamén destaca que competir en Berlín é a culminación dun gran periplo e "unha oportunidade para o público internacional de coñecer unha historia única".
A estrea en Netflix de 'Elisa e Marcela' producirase ao longo de 2019.
Ningún comentario:
Publicar un comentario