Máis de 11.000 fotografías, varios centos delas de Galicia, xa están dispoñibles en internet a través da Biblioteca Digital Hispánica
http://www.gciencia.com/
Máis de 11.000 fotografías tomadas durante a Guerra Civil española, entre 1936 e 1939, están xa dispoñibles en internet grazas á dixitalización do arquivo da Biblioteca Nacional Española. A pasada semana, a institución anunciou que poñía a disposición do público estes milleiros de imaxe, que ilustran a narrativa bélica de ambos bandos.
Nestas fotografías da guerra, centos delas recollen escenas que tiveron lugar en Galicia. Ao triunfar rapidamente o golpe de Estado franquista, a maioría de imaxes recollen actos de apoio ao bando nacional, nos que é frecuente a simboloxía fascista e o apoio ao réxime nazi. As obras retratan as visitas dos altos cargos do bando golpista a vilas como Santiago, A Coruña ou Ferrol, desfiles de homenaxe á Falange e escenas da vida cotiá.
Nesta galería podes ver algunhas delas:
- Santiago de Compostela. Unha multitude agarda a saída de Franco durante a súa visita á Catedral.
- A Coruña. Desfile de conmemoración do 3º aniversario da Falange.
- Visita de Franco e Serrano Suñer a Santiago e o mosteiro de Sobrado dos Monxes.
- Visita de Franco e Serrano Suñer a Santiago e o mosteiro de Sobrado dos Monxes.
- A Coruña. Enterro dun oficial do bando golpista falecido na fronte.
- A Coruña. Saludo fascista durante o himno alemán, con motivo dun partido de fútbol entre unha selección militar da Coruña e a tripulación do cruceiro alemán “Köln”.
- Santiago de Compostela. Desfile pola Alameda pola festa do Apóstolo.
- Santiago de Compostela. Laboratorio militar de Farmacia.
- A Coruña. Talleres de confección de roupa para os combatentes da guerra no bando nacional.
- A Coruña. Talleres de confección de roupa para os combatentes da guerra no bando nacional.
Nesta ligazón podes consultar o arquivo da Biblioteca Nacional, introducindo no buscador as palabras“Guerra Civil Galicia”.
Ningún comentario:
Publicar un comentario