Crazy holidays

8000 persoas: sirios, iraquís e kurdos fuxindo da guerra cravarán súa tenda fai tres meses en Idomeni (Grecia), vivían nun lamazal sen medidas hixiénicas, resistían o frío queimando plásticos, a maioría nenos mollados, enfermos, con sarna, que por un tempo deixaran de debuxar tanques, bombas e xente morta…, tres meses agardando nun lugar de esperanza onde os rumores voaran e noites e dias converteranse en verdades e abran a fronteira. As autoridades gregas comezan pola madrugada a desprazar ás persoas da fronteira, previamente foran expulsados os medios de comunicación, e o dia da súa evacuación métenos en autobuses coa inscrición "Crazy holidays" (Vacacións loucas) Ironía... Humor negro...  Casualidade... As autoridades aseguran ca traxicomedia levase a cabo en silencio, pero pouco a pouco… a calma tensa da incerteza, o plan oficial consiste en repartir os refuxiados en diferentes puntos de Grecia e pechar Idomeneo. dende a fiestra do autobús poden ver como unha escavadora amarela arrancaba do chan as tendas de campaña que foran súas casas e nas que sobrevivían da maneira máis digna posible. Nin facéndoo a propósito poderían ocorrer escenas tan surrealistas… do 'Welcome' ó 'Good bye' das 'Crazy holidays' Fai tres ou catro anos aloxábanse en hotel os sirios con máis recursos económicos e dende fai uns meses só o fan voluntarios... A fotografía abominable dunha Europa desmemoriada e sen escrúpulos. A espera inútil. A esperanza desfeita.