O CONCELLO SUSPENDE AS ESCOLAS DEPORTIVAS MUNICIPAIS, AS COMPETICIÓNS EN INSTALACIÓNS, E PECHA GARDERÍA MUNICIPAL, CONSERVATORIO E BIBLIOTECA DURANTE DÚAS SEMANAS
A gardería municipal do Barco, o Conservatorio e Escola de Música e a Biblioteca Municipal permanecerán pechados a partir do luns, seguindo a decisión adoptada hoxe polo Consello da Xunta de Galicia de peche de centros escolares, museos, bibliotecas e arquivos.
A gardería municipal do Barco, o Conservatorio e Escola de Música e a Biblioteca Municipal permanecerán pechados a partir do luns, seguindo a decisión adoptada hoxe polo Consello da Xunta de Galicia de peche de centros escolares, museos, bibliotecas e arquivos.
Ademais, e en cumprimento das medidas tomadas pola Xunta no ámbito deportivo, suspéndense as escolas deportivas municipais, e o deporte base nas que hai inscritas da orden de 1.500 persoas. Tamén se suspenden os eventos deportivos de todo tipo, e os clubs poderán usar as instalacións municipais nos seus horarios correspondentes, exclusivamente para xestionar os adestramentos dos equipos en competición.
Tamén se decidiu suspender as actividades xa previstas para esta fin de semana, como a charla sobre enfermidades raras e a andaina solidaria prevista para o domingo.
No que atinxe á programación cultural, queda tamén suspendida toda actividade no Teatro Lauro Olmo a partir de mañá, venres (teatro, cine etc.).
A atención nas oficinas do Concello será telefónica e telemática, e ordenouse o peche das instalacións deportivas, e polo tanto, a suspensión de todas as actividades deportivas programadas, o precinto dos espazos de xogo infantís, a suspensión de maneira temporal e cautelar as cesións de espazos municipais para os supostos de actividades que impliquen afluencia de persoas, e suspender as autorizacións de ocupacións de vía pública concedidas para a súa ocupación con mesas e cadeiras.
Ningún comentario:
Publicar un comentario