Naturalmente, nós estamos ante a prestación dun servizo
público. O feito é grave en sí mesmo, pero a preocupación irá en aumento si se
sitúa no contexto no que está sucedendo e baixo o mandato desta Xerente.
En efecto, é evidente cá Xerente aspira a construír un
réxime;
é dicir, un dominio sobre calquera outro poder significativo, sexa político,
social ou sindical cunha grave restrición do pluralismo. Porque un réxime é unha
forma de gobernar que, rompe coa tradición de consenso, que foi característica no
noso hospital e a oposición foi sempre unha alternativa factible para que os
centros de poder estivesen repartidos e se controlasen entre sí.
Cada día é máis evidente cá Xerente aspira a un réxime con grave restrición
do pluralismo.
O HCV precisa dunha Dirección coas ideas claras, capaz de
colaborar cos distintos estamentos, forzas sindicais e políticas para axudar a
saír adiante… pero temos unha dirección
que non fai máis porque sinxelamente non sabe máis, non sabe establecer
diálogos construtivos non é capaz de acadar consensos positivos para o bo
funcionamento no noso hospital. Os traballadores queremos unha Dirección que
dirixa, pero a Xerente e o seu goberno só saben de convivencias ideolóxicas, a
democracia non só é valida en tanto serve para consolidarse no poder. Non só no eido das ideas senón ultimamente,
xa nas persoas, o “faise porque o digo eu”, esta xa na orde do día, a obediencia xerárquica o funcionamento como
un disciplinado exército dedicado a destilar o discurso clónico que interesa, castigar
á oposición co ostracismo, ou coa descualificación, sen ningunha clase de
escrúpulos… “a palabra do señorito nin se
afea nin se cuestiona”. Aspira ao dominio absoluto mediante a utilización
espuria dos recursos e mecanismos de poder. Esta presa nunha corrente
nitidamente autoritaria dos grupos de presión (algúns médicos) e pon de
manifesto a súa submisión e debilidade no reparto dos recursos que administra.
- Cantos anos levan sen
facer unha revisión medica ós traballadores do
HCV…
- A que se debe o peche
de camas nos meses de verán, cando todo o
ano se engade unha terceira cama C en
habitacións de dúas camas…
- Porque un Doutor (crea
un estado policial con Garda de seguridade,
Celador, Supervisora) e non pasa
visita nunha planta se atopa algún
acompañante…
- Porque non se ten
horario fixo de visita medica nas plantas…
- Porque non se informa
a Xunta de persoal de cambios importantes…
Empeza a ser habitual que un número indeterminado de
médicos da sanidade pública redondeen os seus soldos recorrendo: atenden pola
mañá e pola tarde nun centro público. O sistema ten grandes vantaxes. A
primeira, obvia, os emolumentos. A segunda, non menos evidente, polas mañas
facemos algo e vamos deixando cousas
para as tardes.
Os recortes públicos, están deixando algúns hospitais sen
calefacción, sen aire acondicionado ou sen reparacións para aforrar, e están
engrosando as listas de espera de pacientes, é unha boa ocasión para
multiplicala actividade nas tardes como extras.
Precisamente grazas os recortes deron co chollo máximo o respecto. Como os
quirófanos pechan polas tardes para aforrar, os facultativos atenden a seus
pacientes polas tardes, utilizando persoal, salas de consultas e quirófanos,
onde apenas hai lista de espera.
A eles bástalle con poñerse a bata pública pola mañá e
seguir polas tardes. As instalacións son as mesmas. As salas de consultas e os
quirófanos, tamén. As batas, para qué cambialas?
Demasiados interrogantes, como quén paga os gastos da
tarde (auxiliares, teléfono, luz, limpeza...), demasiada tentación para algúns
ter as tardes libres, ben equipadas e tan cerquiña, para desviar a máis
pacientes.
Este é o novo modelo de xestión da sanidade pública
galega "más eficiente y con
continuidad asistencial" do que poderiamos cualificar de perda
irreparable, a supresión da área sanitaria de Valdeorras pola que tanto temos
pelexado, que era dicían, "actualmente
existe un modelo de atención vertical, fraccionado y compartimentado sin
continuidad asistencial y con distintas visiones y objetivos" a
diferenza a partir de agora "se
reorganizarán de manera más eficaz los recursos".
Un exame á actual Dirección corroborará, creo, as miñas afirmacións.
En efecto, o poder que a Xerente ostenta con dubidoso dereito fai e está facendo
unha utilización con evidentes e negativas consecuencias para o funcionamento
democrático, ao pretender converter o HCV nunha institución subalterna e
irrelevante cara a opinión pública. Un feito que reviste especial gravidade, si
se considera cá Xunta de Persoal é o único espazo no que as diferentes
alternativas políticas poden confrontarse e tentar controlar o Executivo, persigue
un obxectivo invariable: o goberno das ideas e os valores, indispensable para exercer
a hexemonía e perpetuarse no poder.
Pero a expresión máis acabada dese modelo, como demostran
os feitos cos que comecei, manifestase na utilización dos medios de
comunicación. En isto estase mostrando implacable, todo elo conduce ao
deterioro da democracia e a un resultado desolador: unha xigantesca rede
clientelar sostida con fondos públicos e, un dominio das institucións públicas co
fin de colocar o partido a salvo da crítica e o control da sociedade.
Para ser obxectivo, debo resaltar que parte do que está sucedendo
é posible debido a que nós os traballadores somos incapaces de priorizar un
programa de rexeneración democrática como sinal de identidade. Aínda así, as pretensións
poden quedar reducidas a simples ilusións.
Só queda a dubida de si a actual Xerente aspira a
xestionar persoalmente este réxime, ou si simplemente pretende utilizalo como
plataforma para dar o salto, no momento preciso, a política, tal como parece indicar a súa
vocación e cultura políticas. En todo caso, os vellos tempos non deben nin
poden volver.
…Non
vou falar dos contratos por horas e días nin de que te chamen dun día para
outro para ir a traballar a 50 km. Tampouco das reducións de salario nin da
saturación de consultas e plantas…
Que vamos cara unha sanidade para pobres e ricos parece
evidente; sobre todo con sistemas como este que poñen en bandexa e tanto aforran...
á iniciativa privada.
Qué conxelan ou reducen aínda máis o soldo e os
complementos salariais? Alá vostedes, pero saiban que toda paciencia ten un
límite, e ó “tijeretazo” deben
engadirse os millóns de redución de soldo e persoal feita nos últimos anos. O
ser humano necesita sempre incentivos e reforzos positivos, e, créame, o HCV, o
Sergas, a sanidade esta composta tamén de seres humanos, cumprindo cuarteleiramente
o horario, iso si, sen a calidade no traballo. É certo o HCV quere progresar,
saír adiante, aumentar o nivel sanitario, paréceme a min…
Ningún comentario:
Publicar un comentario