Facenda rebusca coa pericia dun carteirista nos patrimonios dos Pensionistas

por abc

- Os pensionistas alertan: algúns poderían chegar a pagar máis de 10.000 €.
- No caso de moitos deles, reciben a metade da pensión de España e outra, do país cós acolleu para traballar.
- Para a Axencia Tributaria, o residente fiscal en España deberá declarar "as rendas que obteña en calquera parte do mundo".

Isto non hai Díos có entenda! ...80 anos e máis de trinta no estranxeiro, por motivos? Supervivencia!

Xa sexa por información errónea, descoñecemento ou a propósito, moitos emigrantes retornados nunca declararon a Facenda un segundo pagador pese a que estaban obrigados. Pero este ano unha das vías de investigación, o “tema estrela” da Axencia Tributaria centrase nas pensións estranxeiras. Esta revisando dende o 2008, último ano non prescrito, e xa son milleiros os xubilados que están recibindo requirimentos e multas. Non atinan a comprender por qué o fisco fai a vista gorda e promove amnistías de dubidosa legalidade ós poderosos, e ó mesmo tempo rebusca coa pericia dun carteirista nos patrimonios de quen cobra unha modesta pensión do estranxeiro. Todo o mundo temos que contribuír de acordo os nosos ingresos, está claro. Pero a Axencia Tributaria (“Facenda somos todos”) tería que ter explicado as obrigacións mellor a estes contribuíntes. E, xa de paso, poñer máis empeño en descubrir as grandes bolsas do fraude. “O 72% do fraude provócano as grandes empresas, pero o 80% dos traballadores de Facenda dedícanse a investigar a cidadáns medios e pequenas empresas”, afirman os técnicos de Facenda (agrupados no colectivo Gestha).

Nas multas que xa comezaron a impoñer ós retornados que non declararon súas pensións, esténdense incluso entre os defuntos. Facenda está multando a familiares de emigrantes falecidos con sancións de 200 € por cada exercicio non tributado correctamente polo parente retornado… amais a presentación inmediata dunha declaración complementaria polo Impuesto sobre la Renta de las Personas Físicas (IRPF) e o pago de impostos atrasados no caso de resultar positiva.

Como moi ben di un dos afectados, “Estamos de acordo en qué hai que tributar, pero dende agora e sen multas, porque ata este ano dicíannos que non era necesario” “Se hai amnistía fiscal para os que evadiron diñeiro a Suíza, debería haber máis comprensión cos que traballaron alí tantos anos e mandaron para aquí os cartos aforrados”.

Agora a Axencia Tributaria di que sempre foi obrigatorio declarar as pensións estranxeiras e que, máis aló dalgún error puntual, nas súas oficinas non se transmitiu o contrario. Discrepan: “O ano pasado aviseinos de que tiña unha pensión estranxeira e dixéronme que non había que declarala”  Son milleiros os emigrantes, que teñen recibido un rosario de cartas certificadas con linguaxe xurídico, esixíndolle unha corrección nas súas declaracións da renda, que ata o de agora facía unha aplicación informática. Nunca se cuestionou que dita robótica aplicación fixera mal seu traballo, pois fai anos nesas mesmas Administracións asegurou que aqueles rendementos non tributaban.

Para os afectados que menos cobran, o problema non é volver a facer as declaracións dende o 2008 correctamente, senón a multa. Porque en algúns casos a pensión recibida é tan pequena que, de declarala, o afectado non tería que pagar máis. Pero por non facela no seu momento será multado. E esas sancións de catro anos ascenden a varios centos de euros, cantidades importantes para xubilados con pensión mínima.

Preguntémonos por qué a amnistía fiscal non beneficia tamén a eses pensionistas, que cunha información máis clara houberan revisado as súas declaracións, e non serían multados e sinalados agora como viles defraudadores. A transparencia debe comezar pola propia Administración. Segue a valer máis que nunca “a chumbeira da xustiza / non vin cousa semellante / colle os peixes pequeniños / e deixa fuxir os grandes”

Facenda necesita diñeiro, eu son da teoría de “…esto tiene truco!”  España arestora, debido a iso que chaman crises, “ten falla de moito diñeiro” e de paso vender unha campaña de loita contra o fraude fiscal... Que fácil acosar a uns pensionistas que no seu día tiveron que emigrar e traballar moi duro fora. E qué, co que aportaron contribuíron a levantar a este país da terrible miseria provocada por unha das máis inxustas das guerras civís e, da que aínda hoxe temos secuelas. Porque non se meten cos bancos e caixas pola gran estafa das preferentes. Un beneficio para eles do 100x100 máis intereses de anos baseado no roubo ós aforradores.