.jpg)
Despois de 7 meses baixo a fórmula de xestión de área
integrada, as consecuencias da mesma aínda son peores das vaticinadas pola
plataforma en defensa da área, posto que estes cambios estanse a producir na
parte máis negativa, máis rápido do esperado.
Uns exemplos:
No HCV neste momento temos un xinecólogo e un internista
menos traballando, sendo este último un servizo que polo envellecemento da
poboación é básico na nosa área, levamos ademais varias semanas por primeira vez
na historia do hospital sen hematólogo, agora lévase telemáticamente dende o
servizo de hematoloxía de Ourense, parece que a esta administración impórtelle
ben pouco o que pode pasar en caso de urxencia (transfusión de sangue ou
problema relacionado coa sangue) que requirá presenza de hematólogo.
Por outra banda un Concello coa dispersión que ten o de A
Veiga queda cun só médico, xa que para cubrir a vacante de un de Viana só se
lles ocorre sacalo de A Veiga, preguntémonos que vai pasar en caso de urxencia
se o facultativo está nun domicilio.
As listas de espera en rehabilitación, traumatoloxía, oncoloxía
e máis servizos aumentan de forma alarmante (segundo datos do propio SERGAS) ó
igual que as listas de paro do persoal que esta administración está abocando o desemprego
causando estragos na calidade asistencial, o servizo de traumatoloxía mostra ás
claras a filosofía desta xerencia, por un lado non cobren una praza de
traumatólogo que hai no cadro de persoal, e por outro fan innumerables horas
extras sen remediar que as listas de espera sigan aumentando día tras día (é
curioso que este sexa o único servizo cás faga sendo o Xefe deste servizo o
marido da Xerente).
Que bonitas eran aquelas palabras que nos falaban de reordenar
recursos e que melloraríamos co novo modelo de xestión integrada, que teríamos máis
especialidades, máis inversión; inversión??
Aínda estamos á espera do TAC prometido xa hai 2 anos e
que cando preguntamos por el a Xerente sempre di que está a punto de chegar, e sen
embargo no parlamento o responsable de compras do SERGAS di que aínda se esta
mirando como facer para compralo, e o TAC segue sen chegar (dicir có que
hai e o mais antigo do SERGAS).
En canto a inversións só se anuncian para Ourense pero
nada de nada para o HCV ou para os Centros de Saúde desta Area, lembrade que o
Centro de Saúde de A Rúa segue sen facerse.
A golpe de decreto...
O Real Decreto Lei de medidas urxentes para garantir a
sostibilidade do Sistema Nacional de Saúde desmantela o sistema sanitario
público, elimina a universalidade da prestación sanitaria e principios básicos
como a promoción e prevención da saúde, o tratamento e a rehabilitación,
agravando os problemas de saúde pública.
A partir de agora os pensionistas pagarán parte dos
medicamentos e tod@s deberemos financiar boa parte das próteses, produtos
dietéticos e transporte sanitario non urxente que podamos necesitar (trasporte
a rehabilitación, a diálises etc, etc); por non falar dos milleiros de persoas
que poden quedar sen atención médica grazas o decreto aprobado por Rajoy
incluso en casos tan extremos como os tratamentos de quimioterapia. E veremos
canto tardan en cobrar polas comidas dos pacientes, medida que xa adiantou Feijóo
hai uns meses.
O Partido Popular sérvese da crise para privatizar a sanidade
e beneficiar ás empresas privadas que accederán a prestar parte dos servizos da
Sanidade Pública e as aseguradoras que a partir de agora verán incrementada a
súa carteira de clientes ó reducirse na sanidade pública, boa parte dos
servizos que ata agora eran gratuítos para a poboación, posto que xa contribuímos
todos con impostos directos e indirectos na financiación da sanidade universal.
É falso ademais, falar de déficit da sanidade pública,
cando do que se debe falar é dun déficit no orzamento que se destina. Así que
mentres no estado español, e con datos de 2008, se destinan 1.492 € per capitá,
en países como Alemaña supera amplamente os 2.000 € ou os 3.000 € no caso de
Dinamarca.
Do mesmo xeito, en termos de PIB, o peso da sanidade pública,
no estado español é dun 6,5%, cando en Francia é do 8,48%. “Se se incrementaran
eses dous puntos no PIB, non teriamos déficit, senón superávit.
Agora parte dese diñeiro que todos e todas aportabamos á sanidade
e a educación, vai servir para rescatar ós bancos, que despois de terse lucrado
durante anos, leváronnos a esta crise que agora lles serve de paraugas para
desviar eses fondos dos servizos públicos ós seus petos, bancos que por certo
non teñen prexuízo ningún a hora de desafiuzar a centos de familias que
quedaron sen emprego e coa hipoteca ó medio pagar.
Para este goberno a prioridade é salvar a banca a expensas
da sanidade e os servizos públicos, é hora de dicir BASTA.
Ven a informarte o
mércores 6 de xuño ás 20:30 h. no Teatro Lauro Olmo (Casa da Cultura) de O
Barco
.jpg)
Ningún comentario:
Publicar un comentario