xoves, 6 de decembro de 2012

Díaz Ferrán a pelar patacas “trabajar más y ganar menos”


por abc
Díaz Ferrán, este personaxe é fiel reflexo de nosa burguesía local: casposa, cutre, autoritaria, franquista. Estes son os abandeirados da marca España, os que, segundo o discurso oficial, xeran riqueza, valor engadido, os emprendedores; os escravistas da nova era.

É complicado que en Europa, distingan entre Díaz Ferrán e calquera de nós. Pero esta imaxe fai que nos esixan recortes que só nos afecte ós roubados... Supoño, a estas alturas da película, a ninguén estrañará o por qué non nos respecta ningún país do noso entorno. A cacarexada marca España, esta en mínimos, para recuperala só se me ocorre enchironar a este Ferrán e seus compinches (non esquecer que chegou a presidir a CEOE, é dicir, reuníase cos máximos representantes do estado, e influía, de qué maneira! na toma de decisións de máximo nivel, aínda que todo o mundo sabía cás actividades empresariais consistían lisa e chairamente no espolio!!), sen esquecer a Urdangarin, Blesa, Rato, os Camps, os Fabra, os Ruiz Mateos, etc..., só a cárcere, sen indultos vergoñentos, poderá a moi longo prazo devolvernos certa imaxe de marca. Esta é a amnistía fiscal do Sr. Montoro, xente levase o pouco que queda e gástao en iates, ferraris…!, rouban ó Tesouro público o equivalente ó 23,3% do PIB!!


Estes son os empresarios que nos van a sacar da crises, estes son os empresarios modélicos en manobras de subtracción, estes son os liberais de novo cuño, os que piden que sexa o mercado o que regule a economía pero que corren en axuda de papá Estado en canto hai perdas, estes son os empresarios exemplares tan amigos do PP como do alleo, estes e toda a banda de Opus, FAES, Intereconomía, estes son os predadores que levaron a un país e súas xentes ós últimos postos na clasificación da pobreza, da desesperación, da angustia, estes empresarios de pacotilla, charramangueiros ata a náusea, son os que teñen manexado a economía... así nos vai claro.

Aquí e acola a xente empezase a mover, non podemos dicir cá poboación non se estea botando a rúa e comezando a rebelarse contra o gran roubo que nos están a facer, pero esas mobilizacións teñen un acompañamento político moi débil, ou pode cá sociedade xa non se fíe dos políticos de sempre, e por elo non temos os resultados que merecemos e por elo todo pode rematar en frustración. As referencias sociais atópanse en lugares imprevistos, ten máis autoridade moral o Gran Wyoming ou Jordi Évole que calquera figura da política. E se uns teñen e outros non, é porque a xente votará o que vote pero parva non é. E quere, queremos saber quen son os outros Diaz Ferran, os outros defraudadores de impostos.

Cavilade o que farían se colleran a un líder sindical trincando 500 € estades vendo tódolos xornais novofranquistas e as telespp estarían incendiando o país, pero como é outro protexido como Rato, dálles igual que trinquen… O que levan estes é o que lle quitan logo ós pensionistas, funcionarios, dependentes… cos desafiuzamentos, privatizando sanidade e ensinanza… cobrando polo dereito a xustiza… zoscando na rúa a calquera que discrepe… unha magoa que teñamos bos e emprendedores empresarios sumidos na ruína, bos investigadores…, e por culpa da política económica actual, outros que non aportan nada á sociedade, manexen a seu antollo ás Administracións.

Ningún comentario:

Publicar un comentario